Беларусам расказалі, калі можна не адпрацоўваць працоўны дзень, перанесены на суботу

Беларусаў чакаюць доўгія выхадныя з 25 па 28 снежня. Выхадную пятніцу, 26 снежня, неабходна будзе адпрацаваць у суботу, 20 снежня. Аднак для некаторых работнікаў гэтае правіла не дзейнічае, тлумачыць Міністэрства працы і сацыяльнай абароны.

Здымак ілюстрацыйны. Фота: LookByMedia

Адпрацоўваць суботу 20 снежня не трэба ў двух асноўных выпадках:

• Калі работнік знаходзіцца ў працоўным адпачынку з 22 па 31 снежня. Паколькі 26 снежня прыпадае на адпускны перыяд, у работніка і наймальніка ўжо ёсць дамоўленасць аб адпачынку ў гэтыя дні.
• Калі работнік знаходзіцца на бальнічным 26 снежня. Гэты дзень лічыцца перыядам часовай непрацаздольнасці, а не працоўным днём.

Яшчэ можна ўзяць адгул за раней адпрацаваныя ў выхадны або святочны дзень працоўныя гадзіны, дзень з працоўнага адпачынку або напісаць заяву на адпачынак за свой кошт па сямейна-бытавых ці іншых уважлівых прычынах.

Каментары да артыкула