У Магілёве мужчына расстраляў шчанюкоў з пнеўматычнай вінтоўкі
У Магілёве адбыўся шакавальны выпадак жорсткага абыходжання з жывёламі. На адной з вуліц горада былі знойдзеныя трупы бяздомных шчанюкоў, паведамляе міліцыя.
Ілюстрацыйнае фота
Жыхары Магілёва звярнуліся ў чат-бот МУС: у адным з раёнаў невядомы расстраляў шчанюкоў з пнеўматычнай зброі.
Неўзабаве высветлілася, што зверства ўчыніў 53‑гадовы мясцовы жыхар. Мужчыну затрымалі, аднак растлумачыць матыў сваіх дзеянняў ён не змог.
Зламысніку пагражае арышт або абмежаванне волі тэрмінам да двух гадоў.