Сёння раніцай расійскія бронекалоны спрабавалі штурмаваць Дабраполле. З'явілася ВІДЭА іх разгрому
Відэа публікуе 1‑ы корпус НГУ «Азоў», які трымае кірунак разам з шэрагам сумежных падраздзяленняў, сярод якіх «Група Лазара».
Скрыншот з відэа
Кадры нагадваюць часы штурмаў 2023 года, калі расійскія калоны на адкрытых палях спальваліся ўкраінскім артылерыйскім агнём ці падрываліся на мінах. Розніца ў тым, што асноўны сродак паражэння цяпер — дроны, а бранятэхніка аббітая масіўнымі сарай-мангаламі. Але вынік той самы.
Украінцы адбілі штурм, знішчыўшы 6 танкаў, 9 БМП, 5 БТР, 1 БРЭМ і 10 квадрацыклаў.