Украінская армія адышла ад Северска
Генштаб Узброеных сіл Украіны паведаміў, што ў раёне горада Северск працягваюцца цяжкія баі, аднак украінскія войскі пакінулі населены пункт «з мэтай захавання жыццяў» і «баяздольнасці падраздзяленняў». Пры гэтым Северск застаецца пад агнявым кантролем украінскай арміі.
Северск зімой 2024 года. Фота: Яўген Ткачоў
Як сцвярджае прэс-служба ведамства, падчас баёў за Северск Сілы абароны Украіны істотна выматалі праціўніка — кожны метр горада даўся акупантам вельмі дарагой цаной. Захопнікам удалося прасунуцца дзякуючы значнай колькаснай перавазе і пастаяннаму ціску малымі штурмавымі групамі ў складаных метэаралагічных умовах.
Северск быў ключавым вузлом абароны на падыходах да «пояса крэпасцяў» Дружкоўка — Краматорск — Славянск, ажно да межаў Данбаса. Начальнік Генштаба Расіі Валерый Герасімаў дакладваў пра захоп горада яшчэ 12 снежня.
Чытайце таксама:
Пуцін: Расія наступае па ўсіх напрамках, а праціўнік адыходзіць
Украіна вырашыла да канца года ліквідаваць інтэрнацыянальныя легіёны