Нацбанк выпусціць манету «Бацька»
Нацыянальны банк паведаміў, што ў 2026 годзе плануе выпусціць у абарачэнне 18 назваў памятных манет.
Фота ілюстрацыйнае
Сярод запланаваных манет:
- «Возера Нарач» серыі «Таямніца беларускіх вод»;
- «Чорны бусел» серыі «Птушка года»;
- «Дажынкі» серыі «Святы і абрады беларусаў»
- «Старадарожскі строй» серыі «Беларускі народны строй»
- «Бацька» серыі «Дрэва жыцця»;
- «Пярун» серыі «Міфалогія славян».
Плануецца таксама выпуск новай серыі біметалічных памятных манет наміналам 2 рублі — «Паляванне і рыбалоўства»: «Дзік», Казуля», «Заяц», «Качка», «Акунь», «Шчупак», «Плотка», «Карась».
Акрамя таго, будуць выпушчаныя памятныя манеты, прысвечаныя юбілейным датам: 35‑годдзю заснавання Садружнасці Незалежных Дзяржаў і 80‑годдзю заснавання ААТ «Мінскі трактарны завод».