Зацвердзілі змены ў падатковым заканадаўстве
Аляксандр Лукашэнка падпісаў закон «Аб унясенні змен у законы аб пытаннях падатковых праваадносін». Пра гэта паведамілі ў прэс-службе палітыка.
Фота ілюстрацыйнае
Адзначаецца, што папраўкі ў Падатковы кодэкс, якія будуць дзейнічаць у 2026 годзе, не носяць радыкальнага характару. Яны накіраваныя на кропкавую дапрацоўку падатковай сістэмы з мэтай зрабіць яе больш справядлівай. Пры гэтым для большасці грамадзян і арганізацый фактычная падатковая нагрузка застаецца без змен.
Для фізічных асоб пашыраецца прагрэсіўная шкала падаходнага падатку. Базавая стаўка 13% захаваецца для больш як 98% людзей, якія працуюць. Павышаныя стаўкі — 25% (якая дзейнічае з 2025 года) і 30% — будуць прымяняцца толькі да вельмі высокіх даходаў. Пры гэтым парог, пасля якога ўключаецца стаўка 25%, павялічаны з 220 да 350 тысяч рублёў на год. Для дывідэндаў працягвае дзейнічаць асобная шкала — 13% і 25%.
Таксама ўводзяцца падвышаныя каэфіцыенты падатку на нерухомасць для вялікіх дамоў і кватэр, а таксама павялічваецца падатак на магутныя матацыклы прэміюм-класа.
Для арганізацый прадугледжаная адмена некаторых неэфектыўных ільгот, выраўноўванне ставак у гульнявой сферы і карэкцыя падатковых ставак для асобных катэгорый плацельшчыкаў. На шэраг сацыяльна значных тавараў зніжаецца падатак на дададзеную вартасць.
Стаўкі акцыз і некаторых іншых падаткаў у асноўным будуць праіндэксаваныя з улікам узроўню інфляцыі.
Чытайце таксама:
Якія заробкі атрымліваюць у беларускай авіяцыі
Беларускі рынак пакідае адзін з найстарэйшых нямецкіх інвестараў