Праблемы з карткамі Беларусбанка паспяхова вырашылі
Банкаўскі працэсінгавы цэнтр паведаміў, што тэхнічная няспраўнасць, якая ўзнікла 30 снежня 2025 года ў апаратна-праграмным комплексе, цалкам ліквідаваная.
Здымак ілюстрацыйны. Крыніца: «Наша Ніва»
Як паведамляецца, усе балансы па картках ААТ «ААБ Беларусбанк» абноўленыя і адпавядаюць рэальнаму стану. Аперацыі з выкарыстаннем банкаўскіх картак цяпер робяцца ў звычайным рэжыме.
Раней Банкаўскі працэсінгавы цэнтр папярэджваў, што ў сувязі з тэхнічным збоем, які адбыўся ў апаратна-праграмным комплексе, маглі некарэктна адлюстроўвацца балансы па картках Беларусбанка.
Чытайце таксама:
У Беларусі пачала працаваць новая сістэма імгненных плацяжоў
На картках Беларусбанка могуць некарэктна адлюстроўвацца балансы
Мужчына забраў у знаёмага картку і 20 разоў схадзіў з ёй у краму