У Амстэрдаме ў навагоднюю ноч ушчэнт згарэла 150‑гадовая царква
Будынак немагчыма аднавіць.
Фота: Tripadvisor.com
Моцны пажар знішчыў будынак царквы Вандэлкерк у цэнтры Амстэрдама.
Пажар пачаўся каля гадзіны ночы, пасля чаго агонь хутка распаўсюдзіўся па канструкцыях храма. Неўзабаве вежа абрынулася.
Прадстаўнікі экстранных службаў заявілі, што будынак не падлягае аднаўленню.
Фота: Tripadvisor.com
Вандэлкерк адносіцца да неагатычнай архітэктуры, царква была ўзведзена ў 1872—1880 гадах па праекце архітэктара П'ера Кейперса. Храм уваходзіць у спіс нацыянальнай культурнай спадчыны Нідэрландаў, але ў апошнія гады будынак не прымаў прыхаджан. Ён выкарыстоўваўся як пляцоўка для выстаў, канцэртаў і грамадскіх падзей.