Яшчэ адна краіна перайшла на еўра
Балгарыя стала 21‑й краінай еўразоны — праз два гады пасля таго, як еўра з 2023 года ўвяла Харватыя.
Балгарыя з 1 студзеня 2026 перайшла на еўра. Фота AP Photo/Valentina Petrova
З 1 студзеня 2026 года Балгарыя перайшла на еўра.
Балгарыя дасягнула ўсіх неабходных крытэрыяў, сярод якіх — нізкая інфляцыя, нізкі дэфіцыт бюджэту, стабільнасць курса абмену валют.
Пасля ўвядзення еўра Балгарыя атрымае месца ў кіраўнічай радзе Еўрапейскага цэнтрабанка.
З 1 студзеня 2026 года еўра паступова заменіць леў у якасці валюты Балгарыі. Леў будзе абменьвацца па курсе 1,95583 лева за 1 еўра.
Абедзве валюты будуць выкарыстоўвацца паралельна на працягу аднаго месяца.
Пераход на еўра павысіў давер інвестараў. Балгарская эканоміка перажывае стабільны рост. Сярэдняя зарплата чыстымі ў Балгарыі перавысіла 1000 еўра. Але і цэны сталі еўрапейскімі. Па парытэце купчай здольнасці балгары цяпер зарабляюць прыкладна столькі ж, колькі і беларусы.