Начальніцу з Міністэрства спорту звольнілі з незвычайнай фармулёўкай
Дырэктарка дэпартаменту турызму Ірына Варановіч адмовілася працягваць працу.
Ірына Варановіч. Фота: Sb.by
У канцы 2025 года былі звольненыя два начальнікі з Міністэрства спорту і турызму.
53‑гадовы Алег Андрэйчык пакінуў пасаду намесніка міністра «ў сувязі з выхадам у адстаўку». Ён быў намеснікам міністра тры з паловай гады, а раней узначальваў упраўленне спорту і турызму Гродзенскай вобласці. У маладосці Андрэйчык быў членам зборнай Беларусі ў лёгкай атлетыцы, займаўся бегам на доўгія дыстанцыі
А вось дырэктарку Дэпартамента турызму Ірыну Варановіч звольнілі з міністэрства з незвычайнай фармулёўкай: «у сувязі з адмовай працягваць працу праз змену істотных умоў працы».
Варановіч — кандыдат культуралогіі. Яна ўзначальвала Дэпартамент турызму са студзеня 2020 года. У чым сутнасць рэарганізацыі яе працы, з якой не пагадзілася чыноўніца, невядома.