Два BMW сутыкнуліся пад Мінскам. Загінула 25‑гадовая пасажырка
Трагедыя здарылася днём суботы на 11‑м кіламетры дарогі «Паперня — Радашковічы».
33‑гадовы кіроўца BMW 518i ехаў у напрамку Юзуфава. У нейкі момант ён выехаў на паласу сустрэчнага руху, дзе ўрэзаўся ў BMW X3 пад кіраваннем 62‑гадовага мінчука.
Кіроўцу BMW 518i і яго дваіх пасажыраў — 25‑гадовую жанчыну і 3‑гадовае дзіця — шпіталізавалі. Ад атрыманых траўмаў дзяўчына пазней сканала ў бальніцы.