Квіткі на канцэрт расійскага спевака ў Беларусі расхапалі за тры гадзіны

Як сцвярджаюць карыстальнікі Threads, квіткі на першы канцэрт расійскага спевака Вані Дзмітрыенкі разабралі ўсяго за тры гадзіны. Калі ж абвясцілі дадатковае выступленне, сітуацыя паўтарылася — але яшчэ хутчэй, піша «Мінская праўда».

Ваня Дзмітрыенка. Фота: «Камсамольская праўда»

«Праз 40 хвілін пасля анонсу дадатковага канцэрта зайшла на сайт — сядзячыя месцы ўжо амаль усе раскупілі», — падзялілася адна з карыстальніц.

Канцэрты Дзмітрыенкі ў Мінску прызначаныя на 24‑25 красавіка.

Раней паведамлялася, што 20‑гадовы Ваня Дзмітрыенка стаў артыстам, які зарабіў у Расіі ў 2025 годзе найбольш грошай. 

Ён правёў 33 канцэрты, якія прынеслі даходу амаль на 924 мільёны расійскіх рублёў (каля 10,2 мільёна даляраў).

Каментары да артыкула