Белстат падлічыў нацыянальнае багацце Беларусі
Для ацэнкі нацыянальнага багацця была распрацавана спецыяльная сістэма, а таксама сфарміраваны эксперыментальны баланс актываў і пасіваў.
Апошні змяшчае даныя пра кошт эканамічных актываў, якія знаходзяцца ва ўласнасці інстытуцыянальных адзінак, і кошт іх фінансавых абавязацельстваў.
У выніку падлікаў было ўстаноўлена, што на канец 2023 года нацыянальнае багацце Беларусі склала 1655 млрд рублёў (або 180,8 тысяч рублёў на душу насельніцтва).
Усе актывы і абавязацельствы ў балансе ацэньваліся па тагачасных рынкавых цэнах.
У камітэце таксама ўдакладнілі, што цяпер прапрацоўваецца пытанне вартаснай ацэнкі водных рэсурсаў.
Белстат