Праз непагадзь прыпыніў працу аэрапорт у Гомелі
Праз неспрыяльныя ўмовы надвор’я прыпынены прыём і адпраўка самалётаў з аэрапорта Гомель, паведаміла авіякампанія «Белавія».
Фота ілюстрацыйнае
Рэйс «Белавія» B2 988 Масква — Гомель прызямліўся ў Мінску. Яго пасажырам арганізавалі трансфер у Гомель.
Акрамя таго, 9 студзеня 2026 года былі адменены наступныя рэйсы:
- B2 989 Гомель — Санкт-Пецярбург;
- B2 990 Санкт-Пецярбург — Гомель;
- B2 991 Гомель — Масква.
Пасажырам прапанаваны вылет з Мінска, а таксама арганізаваны трансфер з Гомеля ў Мінск і назад.
Увогуле ж Belavia працягвае выконваць рэйсы з Нацыянальнага аэрапорта Мінск у штатным рэжыме, нягледзячы на непагадзь.
Для бяспекі палётаў у мінскім аэрапорце ўведзеныя дадатковыя рэзервы тэхнікі, узмоцненыя брыгады рабочых і кіроўцаў.
Для атрымання актуальнай інфармацыі рэкамендуецца сачыць за раздзелам «Табло прылётаў—адлётаў» на сайце belavia.by.
Чытайце таксама:
Падчас снегападу мінскія таксісты паднялі цэны ў два-тры разы
Беларускія чыгуначнікі чысцяць шляхі спецыяльным цягніком