Фатографа Наталлю Бачурынскую асудзілі за экстрэмізм
Наталлю абвінавацілі ў фінансаванні экстрэмісцкай дзейнасці» (арт. 361-2) і прысудзілі тры гады пазбаўлення волі.
Фота: сацсеткі
Прысуд дзяўчыне вынеслі 13 студзеня ў Гомельскім абласным судзе, паведамляе «Гомельская вясна».
Пра затрыманне Наталлі Бачурынскай праваабаронцам не было вядома. І толькі па атрыманні інфармацыі пра вынясенне ёй прысуду ўдалося даведацца, што яна знаходзіцца ў СІЗА № 3 у Гомелі прыкладна з ліпеня.
Тады разам з ёй там была і самая сталая палітзняволеная Сафія Бачурынская, якую вызвалілі ўжо з жаночай калоніі 13 снежня 2025 года пасля перамоў прадстаўніка адміністрацыі ЗША Джона Коўла з Лукашэнкам.
Наталля і Сафія Бачурынскія не з’яўляюцца родзічамі, у іх проста аднолькавыя прозвішчы.
Наталля Бачурынская шмат фатаграфавала прыроду, асабліва птушак, яе добра ведалі ў ліквідаванай уладамі арганізацыі арнітолагаў-аматараў «Ахова птушак Бацькаўшчыны».