Аляксандра Сасновіч выйшла ў асноўную сетку Australian Open
Беларуская тэнісістка Аляксандра Сасновіч выйшла ў асноўную сетку адкрытага чэмпіянату Аўстраліі (Australian Open).
Аляксандра Сасновіч. Фота: тэлеграм-канал «Прессбола»
Сёння ў матчы трэцяга кваліфікацыйнага раўнду беларуска перамагла ўкраінку Дар’ю Снігур — 6:2, 0:6, 6:2.
Асноўны этап Australian Open стартуе ў нядзелю.
Сасновіч згуляе ў першым раўндзе з Жасмін Пааліні з Італіі.
Арына Сабаленка згуляе ў першым раўндзе з уладальніцай уайлд-кард Цяйсана Ракатаманга Раяна з Францыі.
Арына Сабаленка выйгравала Australian Open у 2023 і 2024 гадах, а год таму прайграла ў фінале. Беларуска Вікторыя Азаранка выйгравала турнір у 2012 і 2013 гадах.