Памёр прафесар Васіль Бернік
Доктара фізіка-матэматычных навук не стала 11 студзеня, паведамілі яго сябры.
Васіль Бернік нарадзіўся 9 студзеня 1947 года ў Слабадзе-Пырашаўскай Уздзенскага раёна.
Скончыў БДУ (1970). Працаваў у Інстытуце матэматыкі Нацыянальнай акадэміі навук Беларусі, быў доктарам фізіка-матэматычных навук, прафесарам.
Быў аўтарам навуковых прац па тэорыі лікаў. Распрацаваў новы метад ацэнак размернасці Хаўсдорфа мностваў рэчаісных і камплексных лікаў з зададзенай мерай трансцэндэнтнасці.
Васіль Бернік быў галоўным рэдактарам першай беларускамоўнай «Матэматычнай энцыклапедыі» (2001), чальцом Рады заснавальнікаў Грамадскага навукова-аналітычнага цэнтра «Беларуская перспектыва», чальцом Рэспубліканскай тэрміналагічнай камісіі пры НАН Беларусі.