Сырскі анансаваў контрнаступы УСУ
«У абароне перамогі не здабудзеш».
Фота: Узброеныя Сілы Украіны
Галоўнакамандуючы УСУ Аляксандр Сырскі паведаміў, што Украіна плануе новыя наступальныя аперацыі.
«Мы будзем праводзіць стратэгічную абарончую аперацыю, пры гэтым мы разумеем, што ў абароне перамогі не здабудзеш. Таму, адпаведна, мы будзем праводзіць наступальныя аперацыі»,
— сказаў ён у інтэрв'ю lb.ua.
Сырскі таксама заявіў, што Расія плануе нарасціць вытворчасць ударных дронаў, каб запускаць па Украіне да 1000 беспілотнікаў у дзень.
«Таму, вядома, мы павінны рабіць усё для таго, каб сарваць гэтыя планы і нанесці такія страты ворагу, каб ён адмовіўся ад сваіх актыўных дзеянняў, і стварыць умовы для правядзення перамоў. Таму што са слабым ніхто не будзе дамаўляцца», — адзначыў Сырскі.