Мінчукі зразаюць дарогу ў цэнтры проста па Свіслачы. Супраць іх плануюцца рэйды

Мінчанка ў сацсетках пахвалілася чарговымі фота з прыгажосцю заснежанага цэнтра Мінска. У кадр трапілі Няміга і ўчастак ракі Свіслач, па якім на выхадных цэлымі сем'ямі гулялі людзі, заўважыў «Анлайнер».

Хтосьці запэўнівае, што раней на Свіслачы наогул спакойна гулялі ў хакей — проста ўсе забыліся, ды і з такімі маразамі па рацэ «танк праедзе».

Ёсць і скепсіс: маразы, маўляў, штука падманлівая, ды і ўвогуле, кажуць, бліжэй да Палаца спорту лёду нават няма — паспеў растаць.

«Выхад на лёд дазволены толькі ў выратавальнай камізэльцы», — адказалі ў Таварыстве ратавання на водах і дадалі, што ў тым самым ажыўленым месцы на Свіслачы хутка плануюцца рэйды: усіх, хто знаходзіцца на лёдзе без камізэлькі, будуць адпраўляць на бераг.

Каментары да артыкула