Дадаткі Белгазпрамбанка выдалілі з App Store
Дадаткі Белгазпрамбанка выдалілі з App Store, паведамляе прэс-служба банка.
«Па прычынах, якія не залежаць ад Белгазпрамбанка, нашы мабільныя дадаткі DailyFin, BGPB mobile і BGPB Business сталі недаступнымі для загрузкі ў App Store», — гаворыцца ў паведамленні прэс-службы.
Раней усталяваныя дадаткі працягваюць працаваць. Рэкамендуецца іх не выдаляць, бо пасля гэтага будзе немагчыма аднавіць.
Аднак push-паведамленні перастануць паступаць на прылады. Каманда банка працуе над аператыўным вырашэннем гэтай сітуацыі.
Раней з App Store былі выдаленыя дадаткі Альфа-Банка і Белінвестбанка.