З Мінска пабудуюць новую дарогу
Дарога будзе ісці па шляху існуючага праезду ад МКАД да ЖК «Зялёная гавань».
З Мінска да будучага мікрараёна Зялёны Бор пракладуць пад'язную дарогу. На сайце дзяржзакупак адкрыты конкурс на выбар падраднай арганізацыі, якая будзе будаваць дарогу, паведаміў партал kolodischi.by.
Схема: kolodischi.by
Дарога будзе ісці па шляху існуючага праезду ад МКАД да ЖК «Зялёная гавань».
Пракласці дарогу плануюць з 1 сакавіка 2026 года да 28 лютага 2027-га.
Заказчык — УКБ Мінгарвыканкама. Лімітавы кошт закупкі — 36,6 млн рублёў.
Будучы мікрараён Мінска Зялёны Бор павінен размясціцца на землях былога ваеннага палігона, паміж жылой забудовай Калодзішчы-2 і Зялёнай Гаванню. Тут плануюць пабудаваць больш за 4 мільёны квадратных метраў жылля.