У Гомелі на пажары загінула 90‑гадовая пенсіянерка
Сёння каля 5 гадзін ранку ў МНС паступіла паведамленне пра пажар у доме па вуліцы Быхаўскай ад мінака.
На месцы ратавальнікі пабачылі, што з-пад даху дома ідзе дым. На падлозе ў кухні, дзе не было агню, ратавальнікі пабачылі цела гаспадыні — жанчыны 1935 года нараджэння.
Работнікі МНС ліквідавалі пажар. Прычына здарэння высвятляецца.