План «Надвор’е» ўвялі ў Гомельскай вобласці праз галалёд
«Рэкамендацыя ДАІ простая: калі няма вострай неабходнасці — не выязджайце. Калі едзеце — будзьце асцярожнымі як ніколі», — падкрэслілі ў Гомельскай міліцыі.
Дзяржаўтаінспектары папярэдзілі: абліваха ўтварае на дарогах і ходніках тонкі, амаль нябачны лёд (галалёд), што рэзка павышае рызыку дарожна-транспартных здарэнняў і падзенняў.
Таксама нагадалі важныя правілы ў такое надвор’е для кіроўцаў: «Значна зніжайце хуткасць і павялічвайце дыстанцыю. Рухайцеся плаўна, без рэзкіх манеўраў, тармажэнняў і абгонаў. Асаблівую асцярожнасць праяўляйце на мастах і эстакадах. Пераканайцеся, што ў вас устаноўлены зімовыя шыны».
Рэкамендацыі для пешаходаў: насіць абутак з няслізкай падэшвай, рухацца павольна, кароткімі крокамі, трымацца далей ад праезнай часткі і быць добра заўважнымі для кіроўцаў.