У Польшчы зноў зафіксавалі залёт паветраных аб'ектаў з Беларусі
Гэтыя выпадкі былі зафіксаваныя ўчора, 28 студзеня.
Раней фіксаваліся дроны з беларускімі цыгарэтамі
«У сераду, 28 студзеня 2026 года, у начны час быў зафіксаваны ўлёт у паветраную прастору Польшчы аб’ектаў, якія набліжаліся з боку Беларусі. Палёт усіх аб’ектаў бесперапынна кантраляваўся ваеннымі радыёлакацыйнымі сістэмамі Узброеных сіл Рэспублікі Польшча», — паведаміла аператыўнае камандаванне Узброеных сіл Польшчы.
Дзеля бяспекі часова былі ўведзены абмежаванні на выкарыстанне часткі паветранай прасторы над Падляшскім ваяводствам для цывільнага паветранага руху, разам з тым пагрозы для бяспекі паветранай прасторы Рэспублікі Польшча не выяўлена.