Украіна і Расія дамовіліся аб мараторыі на ўдары па аб’ектах энергетыкі — расійскія ваенкары
Пра гэта паведамляюць расійскія ваенкары са спасылкай на крыніцы ў расійскіх падраздзяленнях. Дамоўленасці ўдалося дасягнуць на перамовах у Абу-Дабі.
Загад пра мараторый ужо даведзены да войскаў, пішуць расійскія ваенкары.
Расія цэлую зіму паслядоўна біла па аб’ектах украінскай электраэнергетыкі. Аднак і Украіна сваімі ўдарамі па аб’ектах нафтаперапрацоўкі і суднах ценявога флоту наносіла значную матэрыяльную шкоду РФ.
Афіцыйнай інфармацыі пра такія дамоўленасці пакуль не было.