Арына Сабаленка паказала свой партрэт у стылі Джаконды

Тэнісістка Арына Сабаленка падзялілася ў сацыяльных сетках успамінамі пра сваё знаходжанне ў Мельбурне, дзе яна ўдзельнічала ў турніры серыі «Вялікага шлема» — Australian Open.

Арына Сабаленка з партрэтам. Фота з сацыяльных сетак

Сярод іншага спартоўка паказала незвычайны партрэт сябе ў вобразе Джаконды, зроблены ў мастацкім стылі.

Сабаленка ўжо чатыры разы запар даходзіла да фіналу Australian Open. У гэтым годзе ў вырашальным матчы яна саступіла Алене Рыбакінай з Казахстана. Нягледзячы на гэта, беларуска захоўвае лідарства ў сусветным рэйтынгу WTA. Больш за тое, яе адрыў ад галоўнай канкурэнткі — польскай тэнісісткі Ігі Свёнтэк — нават павялічыўся.

Цяпер у Сабаленкі 10 990 рэйтынгавых балаў, у Свёнтэк — 7 978, а Рыбакіна займае трэцяе месца з 7 610 баламі.

Каментары да артыкула