У Гродне хлопец разбіў драўляную саву, якая на яго «не так паглядзела»
У Гродне супраць 25‑гадовага хлопца завялі крымінальную справу пасля начной выхадкі. Малады чалавек быў выпіўшы, і яму вельмі не спадабалася драўляная фігура савы каля адной з устаноў па вуліцы Карла Маркса.
Хлопец заявіў, што птушка «неяк не так на яго зірнула», і пачаў збіваць яе нагамі.
У выніку сава ўпала і пацягнула за сабой паліцу і гліняны падсвечнік.
Уладальнікі падлічылі страты — атрымалася каля 1000 рублёў.
Хлопца знайшла міліцыя, за хуліганства яму пагражае да трох гадоў зняволення.