Беларуса, які ледзь не забіў дзіця ў аэрапорце «Шарамеццева», адправілі на прымусовае лячэнне
Грамадзяніна Беларусі Уладзіміра Віцікава, які мінулым летам напаў на дзіця ў маскоўскім аэрапорце «Шарамеццева», суд накіраваў на прымусовае лячэнне, паведамляе «Коммерсант».
Уладзімір Віцікаў (справа на пярэднім плане) у судзе. Фота: ТАСС
«Прызначыць Віцікаву прымусовыя меры медыцынскага характару, звязаныя са змяшчэннем у псіхіятрычны стацыянар закрытага тыпу з інтэнсіўным наглядам», — сказалі ў судзе.
У чэрвені 2025 года ў СМІ з’явілася відэа, на якім мужчына ў зоне прылёту аэрапорта хапае малога і з вялікай сілай кідае яго на падлогу. Пасля здарэння Віцікава арыштавалі. Падчас судовага разбору ён прызнаў сваю віну і паведаміў, што раней знаходзіўся на ўліку з дыягназам «шызафрэнія».
Следства ўстанавіла, што ў момант інцыдэнту мужчына быў пад уздзеяннем наркотыкаў. Пацярпелага хлопчыка ў ліпені выпісалі з бальніцы. Супраць Віцікава была распачатая крымінальная справа па факце замаху на забойства, здзейсненага ў стане бессвядомасці.
Чытайце таксама:
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве
Беларуса, які кінуў дзіця галавой аб падлогу ў «Шарамеццева», прызналі неадэкватным