На БелАЭС тэстуюць новыя электробусы
На Беларускай АЭС праходзіць тэставая эксплуатацыя электробусаў вытворчасці «Белкамунмаш».
Холдынг ажыццявіў пастаўку на адрас дзяржаўнага прадпрыемства «Беларуская АЭС» чатырох электробусаў мадэлі E 350. Электробусы гэтай мадэлі з’яўляюцца інавацыйным відам пасажырскага электратранспарту, які прызначаны для прыгарадных перавозак пасажыраў, паведамляе тэлеграм-канал БелАЭС.
Зараз работнікі аўтатранспартнага цэху прадпрыемства праводзяць наладку электробусаў і ажыццяўляюць іх тэставую эксплуатацыю на маршруце руху.
З сярэдзіны лютага электробусы будуць выкарыстоўвацца для перавозкі работнікаў Беларускай АЭС з горада Астравец да месца працы і назад.