Сыны бразільскага пасла знайшлі сабе нявест у Беларусі
Сам пасол хутка пакіне нашу краіну.
Фота: БелТА
Пасол Бразіліі ў Беларусі Бернард Клінгл завяршае сваю дыпламатычную місію ў нашай краіне. Новы пасол чакаецца ў красавіку.
Бернард Клінгл прыязджаў сюды з двума сынамі — яны абодва цяпер сустракаюцца з беларускімі дзяўчатамі. Пасол не выключае, што справа дойдзе і да вяселля, піша БелТА.
Сам пасол расказаў, што за час свайго знаходжання ў Беларусі ўпадабаў нават наша надвор'е.
«Яно, вядома, не падобнае да бразільскага. Але беларуская зіма выдатная, мне вельмі падабаюцца холад і снег. Мне таксама вельмі падабаецца беларускае лета, яно вельмі камфортнае, і на летні перыяд я нікуды не ад'язджаў, заставаўся ў Беларусі».