У Пінску дзяўчына зняла абутак на ўваходзе ў кавярню, каб не запэцкаць вымытую падлогу
Пінская кавярня Baristica падзялілася ў Threads мілым фота — наведвальніца зайшла да іх у шкарпэтках, пакінуўшы абутак на ўваходзе.
«Адна з нашых пастаянніц вось так зайшла па ранішнюю каву, будучы першым госцем і баючыся выпацкаць нашу падлогу», — напісала кавярня.
Допіс сабраў 350 тысяч праглядаў і 15 тысяч лайкаў.
Хтосьці параіў уласнікам кавярні купіць тапачкі для пастаяннай кліенткі, а іншыя выказалі спадзеў, што дзяўчына атрымала дэсерт да кавы ў падарунак.
Меркаванні пра тое, здымаць абутак у кавярні — гэта міла ці ўжо зашмат, разышліся.