Памерла класная кіраўніца Лукашэнкі
Ёй было 102 гады.
Пайшла з жыцця класная кіраўніца Лукашэнкі Таццяна Карпечанка, піша БелТА.
Таццяна Карпечанка нарадзілася 12 студзеня 1924 года ў Валагодскай вобласці Расіі. Скончыла педвучылішча ў горадзе Вельск, педагагічны інстытут у Архангельску.
У 1946 годзе паехала на радзіму маці ў Магілёўскую вобласць і засталася там працаваць настаўніцай матэматыкі ў пасёлку Александрыя.
У Александрыі Таццяна Карпечанка сустрэла свайго будучага мужа, з якім выгадавалі чацвярых дзяцей, пяцярых унукаў і васьмярых праўнукаў. 12 студзеня 2026 года ёй споўнілася 102 гады.