У Германіі затрымалі беларуса з падробленым літоўскім дакументам
У нямецкім горадзе Лаўэнбург, што ў зямлі Шлезвіг-Гальштэйн, беларус паказаў мясцовым праваахоўнікам падробленае пасведчанне асобы. Пра гэта паведамляе мясцовая паліцыя, піша сайт «Беларусь и мир».
Здымак носіць ілюстрацыйны характар. Фота: нямецкая паліцыя
У панядзелак, 2 лютага, нямецкія паліцыянты спынілі аўтамабіль на вуліцы Берлінэр-штрасэ.
Адзін з пасажыраў паказаў літоўскае пасведчанне асобы. Яно выклікала падазрэнні, і стала ясна, што дакумент, мяркуючы па ўсім, фальшывы.
У дачыненні да падазраванага, 32‑гадовага мужчыны беларускага грамадзянства, пачалі разбіральніцтва. Пасведчанне асобы было канфіскавана.