Сёння на Алімпіядзе выступяць дзве беларускі
На дыстанцыю зноў выйдуць Ганна Каралёва і Марына Зуева.
Фота: Maja Hitij/Getty Image
Ганна возьме ўдзел у лыжнай гонцы з раздзельным стартам вольным стылем на 10 км. Пачатак а 16-й.
Каралёва ўзяла ўдзел у двух спаборніцтвах.
У мінулую суботу ў скіятлоне яна заняла 34‑е месца, а ў аўторак у кваліфікацыі спрынту была 49‑й і не змагла прабіцца ў 30‑тку наймацнейшых для працягу удзелу ў дысцыпліне.
Марына Зуева паўдзельнічае ў забегу на каньках на 5000 метраў. Пачатак а 18.30.
У суботу ў забегу на 3000 метраў яна была 15-й.
На Алімпіядзе ў беларусаў самае мінімальнае прадстаўніцтва — усяго сем дзяўчат. Медалёў пакуль няма.
У наступны аўторак у барацьбу ўступяць фрыстайлісткі (Ганна Гуськова, Ганна Дзяруга, Анастасія Андрыянава), таксама на наступным тыдні будуць спаборніцтвы у горных лыжах у Марыі Шканавай і адзіночным фігурным катанні ў Вікторыі Сафонавай.
Пасля пяці дзён спаборніцтваў лідзіруе Нарвегія.
Афіцыйны сайт Алімпіяды