У расійскай Ухце на поўначы Расіі адбылася серыя выбухаў
Жыхары Ухты (Рэспубліка Комі) паведамляюць пра серыю выбухаў і задымленне.
Па словах мясцовых жыхароў, гаворка ідзе пра атаку БПЛА. Адзін з выбухаў адбыўся ў раёне мясцовай адміністрацыі.
Раней Расавіяцыя закрыла мясцовы аэрапорт.
Пасля выбухаў у раёне прамысловай зоны пачаўся пажар, паведамляюць жыхары горада.
Губернатар Комі Расціслаў Гальдштэйн пацвердзіў атаку дронаў на рэгіён. Паводле яго, на тэрыторыі нафтаперапрацоўчага завода пачаўся пажар.