Буслы стартавалі з Афрыкі дадому
Польскія арнітолагі паведамілі, што белы бусел Другі з перадатчыкам вырушыў з месца зімоўкі ля сталіцы Чада Нджамэны на поўнач у Еўропу.
Птушка знаходзіцца ў дарозе ўжо некалькі дзён, паведамляе тэлеграм-канал «Дзікая прырода побач».
Паралельна з белымі павінны вырушыць у далёкае падарожжа дадому і дарослыя чорныя буслы.
Звычайна першыя буслы вяртаюцца ў Беларусь у сярэдзіне сакавіка.
Наперадзе ў птушак тысячы кіламетраў і шмат выпрабаванняў.