Намеснік генеральнага пракурора: Выйшлі на свабоду — гэта з'ява часовая
На прэс‑канферэнцыі па выніках работы Генпракуратуры за 2025 год намеснік генеральнага пракурора Аляксей Стук праявіў своеасаблівае пачуццё гумару, піша Reform.news.
Аляксей Стук. Скрыншот з відэа
На пытанне пра працу заканадаўства аб прафілактычным наглядзе і превентыўным кантролі за грамадзянамі, якія адбывалі пакаранне і выйшлі на волю, Стук з усмешкай адказаў:
«Так і хочацца сказаць: вы сказалі «выйшлі на свабоду», але гэта з’ява часовая».
Стук нагадаў, што пасля змен у заканадаўстве асобы пад прэвентыўным наглядам або вызваленыя пад прафілактычным кантролем павінны быць працаўладкаваныя.
Чытайце таксама:
Былому міністру Брыло інкрымінуюць хабар у паўтара мільёна даляраў