З'явілася яшчэ адно ФОТА Міколы Статкевіча пасля вызвалення
Фота былога палітвязня Міколы Статкевіча пасля сённяшняга вызвалення з-за кратаў з'явілася ў сацсетках.
19 лютага стала вядома, што Мікола Статкевіч дабіўся вызвалення без дэпартацыі з Беларусі. Перад гэтым палітык 21 студзеня перанёс інсульт і каля месяца яго лячылі.
Мікола Статкевіч быў затрыманы ў траўні 2020 года. 14 снежня 2021 года на закрытым судзе ў Гомелі асуджаны на 14 гадоў пазбаўлення волі асаблівага рэжыму паводле абвінавачання ў арганізацыі масавых беспарадкаў. Разам з ім асудзілі і іншых вядомых апанентаў улады. Пакаранне адбываў у калоніі ў Глыбокім, апошнія гады ўтрымліваўся ў рэжыме інкамунікада.
11 верасня 2025 года Статкевіча нечакана вызвалілі разам з іншымі 51 палітвязнем і хацелі прымусова выдварыць у Літву. Статкевіч, аднак, адмовіўся перасякаць мяжу і застаўся на тэрыторыі Беларусі. Пасля таго як яго забралі лукашэнкаўскія сілавікі, пра ягоны лёс нічога не было вядома.
Чытайце таксама:
Мікола Статкевіч на свабодзе. Ён перанёс інсульт
Статкевіч месяц знаходзіўся ў рэанімацыі пасля інсульту