У Горках правялі спаборніцтвы па трактарным біятлоне
21 лютага ў Горках правялі незвычайныя спаборніцтвы — трактарны біятлон. Як паведамляе тэлеканал СТБ, у іх спалучыліся хуткасць, трапнасць, пераадоленне бездарожжа і нават 100 літраў юшкі для ўдзельнікаў і гасцей.
Сёлета ў спаборніцтвах узялі ўдзел больш за 20 чалавек з розных куткоў Беларусі. Сярод іх былі не толькі мужчыны, але і дзяўчаты.
Спачатку трактарны біятлон задумваўся як невялікае студэнцкае мерапрыемства. Аднак сёлета студэнтаў сёлета было няшмат — толькі пяць з 24 удзельнікаў прадстаўлялі аграрныя ВНУ. Астатнія — вопытныя механізатары з розных гаспадарак краіны.
У фінале сярод дзяўчат перамагла студэнтка Горацкай сельскагаспадарчай акадэміі Вольга Цуп. Сярод мужчын найлепшым стаў Дзяніс Карнавухаў, работнік камунальнай службы.
Чытайце таксама:
Як у Смаргонскім раёне прайшлі спаборніцтвы па трактарным біятлоне