На Салігоршчыне гарэла ферма з цялятамі
У ноч на 22 лютага на малочна-таварнай ферме ў аграгарадку Старыя Цярушкі адбыўся пажар. Пад навесам будынка загарэліся цюкі з саломай.
Калі ратавальнікі прыбылі на месца, адкрытае полымя ўжо хутка распаўсюдзілася па сухой саломе.
Ратавальнікі разам з супрацоўнікамі гаспадаркі вывелі з небяспечнай зоны 54 цяляці.
Жывёлы не пацярпелі, сярод людзей ахвяр таксама няма.
Цяпер спецыялісты высвятляюць прычыну ўзнікнення агню.