Мінчук скінуў ровар з балкона і стаў фігурантам крымінальнай справы
У Ленінскае РУУС звярнулася жанчына, якая расказала пра крадзёж ровара з тамбура шматкватэрнага дома
Міліцыя ўстанавіла, што да крадзяжу мае дачыненне 52‑гадовы раней асуджаны за маёмасныя злачынствы сусед.
Ровар пабачылі пад яго балконам.
Мужчына пачуў, што міліцыя апытвае жыхароў, спалохаўся і выкінуў скрадзены транспартны сродак з шостага паверха.
Заведзена крымінальная справа, паведамляе «Міліцыя Мінска»