Дзеці былой салісткі расійскага гурта разбіліся насмерць, катаючыся на цюбінгу
У Арэнбургскай вобласці Расіі 22 лютага адбылася трагічная падзея: загінулі двое дзяцей былой салісткі гурта «Варавайкі» Яны Паўлавай. 22 лютага ў яры каля вёскі Падгародняя Пакроўка былі знойдзеныя целы 10‑гадовага хлопчыка і яго 22‑гадовай сястры.
Яна Паўлава
Паводле папярэдняй версіі следства, дзеці каталіся з гары на цюбінгу недалёка ад вуліцы Алмазнай, калі здарылася трагедыя. Мясцовыя жыхары адзначаюць, што схіл каля помніка прыроды «Чырвоны абрыў» вядомы вельмі стромкім спускам і камяністай паверхняй, таму звычайна там не катаюцца праз небяспеку. Дзеці сарваліся з гары і загінулі на месцы.
Яна Паўлава з дзецьмі
Паводле факту здарэння распачалі крымінальную справу.
Яна Паўлава была салісткай гурта «Варавайкі» 22 гады: з 1999‑га па 2021-ы.
Чытайце таксама:
У Маскве падарвалі трох паліцэйскіх
Заснавальнік кампаніі Asos выпаў з 17‑га паверха ў Тайландзе
З'явілася відэа з «буханкай», якая патанула ў Байкале з кітайскімі турыстамі