Мінчук памёр, папярхнуўшыся кавалкам мяса
Бацька, прыйшоўшы ў госці да сына, выявіў яго на падлозе без прыкмет жыцця. Медыкам заставалася толькі канстатаваць смерць 55‑гадовага мінчука.
Смерць мужчыны наступіла ад механічнай асфіксіі ў выніку закрыцця дыхальных шляхоў кавалкам мяса, паведамляе Дзяржкамітэт судовых экспертыз.
Падчас правядзення судова-медыцынскай хімічнай экспертызы ў крыві выяўлены этанол у канцэнтрацыі 2,8‰.
Эксперты зазначаюць, што ў стане алкагольнага ап’янення ў чалавека прытупляюцца ванітны і кашлявы рэфлексы, парушаюцца каардынацыя і адчувальнасць, расслабляюцца цягліцы глоткі і стрававода, таму спалучэнне вялікай колькасці алкаголю і ежы патрабуе асаблівай асцярожнасці.