Трамп: З Беларуссю ў нас выдатныя адносіны
«Мне вельмі падабаецца іх лідар», — сказаў прэзідэнт ЗША журналістам.
Фота: Joe Raedle / Getty Images
Прэзідэнт ЗША заявіў, што вельмі паважае Аляксандра Лукашэнку, а з Беларуссю ў яго выдатныя адносіны. Пра гэта ён расказаў 27 лютага на экстраннай прэс-канферэнцыі ў Вашынгтоне перад паездкай у Тэхас, звярнуў увагу на словы кіраўніка Злучаных Штатаў Reform.news.
Журналіст спытаў у яго, ці плануюць ЗША аднавіць адносіны з Беларуссю. На гэта Трамп адказаў, што ў яго з Беларуссю «цудоўныя адносіны».
Частка размовы цалкам.
Журналіст: Спадар прэзідэнт, ці плануеце вы аднавіць адносіны з Беларуссю? Ці плануеце вы аднавіць дыпламатычныя і іншыя адносіны з Беларуссю? З Беларуссю ў Еўропе?
Трамп: Так, я добра ведаю Беларусь, вядома. Працягвайце.
Журналіст: Вы плануеце аднавіць адносіны з імі?
Трамп: У нас цудоўныя адносіны. Я вельмі паважаю іх лідара. З Беларуссю ў нас выдатныя адносіны.
Журналіст: У вас ёсць нейкія ўмовы для іх? Па зняцці санкцый?
Трамп: Мне вельмі падабаецца іх лідар.