Малады кіроўца на яркім BMW знёс дарожныя знакі, святлафор і ўляцеў на прыпынак на вуліцы Якуба Коласа ў Мінску
Цудам ніхто не пацярпеў.
Сёння раніцай у Мінску адбылося дарожна-транспартнае здарэнне, якое магло мець цяжкія наступствы. Малады кіроўца ярка-зялёнага BMW не змог утрымаць машыну на дарозе падчас руху па вуліцы Якуба Коласа.
У раёне дома №9 машына выехала на тратуар, пратараніла дарожныя знакі і святлафор, пасля чаго вылецела на прыпынак грамадскага транспарту.
За рулём машыны знаходзіўся 20‑гадовы хлопец. Паводле папярэдніх звестак, ён не справіўся з кіраваннем.
На шчасце, у гэты момант ні на самім прыпынку, ні каля святлафора не было мінакоў, таму абышлося без пацярпелых.