Міхаіла Баразну знялі з пасады рэктара Акадэміі мастацтваў
63‑гадовы мастацтвазнаўца і фотамастак быў звольнены яшчэ ў кастрычніку 2025 года. Цяпер яго пасаду зойме архітэктарка Настасся Каласоўская.
Міхаіл Баразна ўзначальваў Акадэмію мастацтваў 15 гадоў — з 2010 года. Ён адзначыўся ў 2020 годзе — БДАМ стала першай ВНУ, дзе пачалі адлічваць бастуючых студэнтаў.
У свой час ішла гаворка пра тое, што ён дарасце да міністра культуры, але не склалася. За рэпрэсіі супраць студэнтаў Баразну ў 2021‑м уключылі ў санкцыйныя спісы.
Яго месца заняла 51-гадовая архітэктарка Анастасія Каласоўская, якая працавала ў гэтай жа ВНУ на пасадзе прарэктара па вучэбнай рабоце.