У Польшчы прэзентуюць беларускамоўны пераклад манаграфіі пра ВКЛ

Усе ахвотныя запрашаюцца наведаць першую і, магчыма, адзіную прэзентацыю перакладу на беларускую мову манаграфіі Кшыштафа Пяткевіча «Вялікае Княства Літоўскае пад уладай Аляксандра Ягелончыка. Даследаванне гісторыі дзяржавы і грамадства на мяжы XV—XVI ст.» з удзелам аўтара.

Кшыштаф Пяткевіч — адзін з найлепшых спецыялістаў у гісторыі Вялікага Княства Літоўскага, прафесар універсітэта імя Адама Міцкевіча ў Познані.

Гэтая манаграфія — першая ў гістарыяграфіі спроба сінтэтычнага нарысу Вялікага Княства Літоўскага пад уладай манарха Аляксандра Ягелончыка.

У кнізе раскрываюцца:

• асаблівасці адміністрацыйна-тэрытарыяльнай сістэмы ВКЛ;
• канфесійная, фінансавая і гаспадарчая палітыка ВКЛ;
• дзейнасць найважнейшых дзяржаўных органаў ВКЛ;
• пералік прадстаўнікоў дзяржаўнай эліты ВКЛ.

У кнізе даследуюцца такія тэмы, як дзейнасць канцылярыі ВКЛ, яго ўнутраны лад, а таксама фармаванне яго палітычнай эліты.

Час правядзення прэзентацыі: 14 сакавіка (субота), 17:00 — 18:00.

Адрас: Poznańskie Targi Książki (Кніжны кірмаш у Познані), pawilon 7, scena w sali F (antresola), ul. Głogowska 10/14.

Прэзентацыя праводзіцца пры падтрымцы праграмы Еўрапейскага саюза 'EU4Belarus: Support to Advanced Learning and Training (SALT II).

Каментары да артыкула