Шры-Ланка падоўжыць візы турыстам, што засталіся на востраве з-за канфлікту на Блізкім Усходзе
Візы падоўжыць бясплатна на 14 дзён з даты іх сканчэння.
The Treveler.org
Улады Шры-Ланкі вырашылі бясплатна падоўжыць візы турыстам, якія засталіся з-за адмены рэйсаў на Блізкім Усходзе. Пра гэта паведамляе Рэспубліканскі саюз турыстычнай індустрыі са спасылкай на галоўнае кансульскае ўпраўленне МЗС Беларусі.
Дэпартамент іміграцыі і эміграцыі Шры-Ланкі падоўжыць візы турыстам, якія не змаглі вылецець з-за адмены рэйсаў у краінах Блізкага Усходу. Візы падоўжыць бясплатна на 14 дзён з даты іх сканчэння.
Каб скарыстацца гэтай магчымасцю, турыстам трэба падаць доказы немагчымасці вылету. Гэта могуць быць пасадачныя талоны, паведамленні пра адмену рэйса або пацверджанні авіякампаніі.
Падоўжанне візы афармляюць у іміграцыйным офісе аэрапорта Шры-Ланкі.
Раней улады Тайланда абвясцілі пра ўвядзенне часовых мер падтрымкі для замежных турыстаў, якія засталіся ў краіне з-за крызісу на Блізкім Усходзе.