Затрыманы былы першы намеснік Міністэрства абароны Расіі Руслан Цалікаў
Ён абвінавачваецца ў стварэнні злачыннай супольнасці.
Заведзена крымінальная справа ў адносінах да былога першага намесніка міністра абароны Расіі Руслана Цалікава, паведаміў Следчы камітэт Расіі.
Як расказалі ў ведамстве, гаворка ідзе пра стварэнне фігурантам злачыннай супольнасці, удзельнікамі якой «у 2017—2024 гадах здзейснены крадзяжы бюджэтных сродкаў, а таксама легалізацыя скрадзенага і хабарніцтва».