Мінабароны Азербайджана: Іран накіраваў чатыры беспілотнікі па Нахічэвані
Узброеныя сілы Ірана накіравалі чатыры БПЛА ў бок Нахічэванскага рэгіёна для здзяйснення атак, гаворыцца ў заяве на сайце Міністэрства абароны Азербайджана.
Паводле даных ведамства, адзін з дронаў быў выведзены з ладу азербайджанскай арміяй, астатнія накіраваліся на аб’екты грамадзянскай інфраструктуры.
Сярод цэляў аказалася школа, па якой беспілотнік спрабаваў нанесці ўдар падчас заняткаў. Па афіцыйнай інфармацыі, ўдар па будынку не адбыўся: апарат упаў і выбухнуў непасрэдна паблізу школы.
Прэзідэнт Азербайджана Ільхам Аліеў назваў здарэнне тэрарыстычным актам і даручыў вайскоўцам быць гатовымі да адказных мераў.
Тэгеран адкідвае абвінавачанні, заявіўшы, што дроны накіраваў ізраільскі бок пад фальшывым сцягам.